ગુજરાત સારસ્વત શિક્ષક સન્માન કાર્યક્રમ

• નોલેજ વેલી ફાઉન્ડેશન અને પ્રેરણા એજ્યુકેશન ટ્રસ્ટ શિક્ષણક્ષેત્રે કાયમી સમર્પિતતાથી કાર્યરત એવી બે પ્રતિષ્ઠિત સંસ્થાઓ, જેમનું ધ્યેય માત્ર શૈક્ષણિક જ્ઞાન પૂરું પાડવાનું નહીં, પણ સંસ્કાર, માનવીય મૂલ્યો અને સામાજિક જવાબદારીઓનો વિકાસ કરવાનું છે. ગુજરાતના શિક્ષણજગતમાં ગુણવત્તા, નવીનતા અને સમર્પણના પ્રેરક દ્રષ્ટાંતરૂપ એવા શ્રેષ્ઠ શિક્ષકોને ઓળખીને તેમને સ્ટેજ પર બોલાવી સન્માનિત કરીએ એ અમારું ગૌરવ છે. આ સન્માન તેમના શિક્ષણ જીવનમાં કરેલા ઉલ્લેખનીય કાર્ય, નિષ્ઠા અને શિક્ષણ પ્રત્યેના સમર્પણને ઉજાગર કરવાનું એક પાવન પગલું છે. ટ્રસ્ટનો મક્કમ વિશ્વાસ છે કે આવા કાર્યક્રમો દ્વારા શિક્ષકોના યોગદાનને માન્યતા મળે અને નવી પેઢીમાં શિક્ષણ પ્રત્યે નવી ઉર્જારૂપી દૃષ્ટિ ઉભી થાય છે.

દ્રષ્ટિ (Vision):
શિક્ષકોમાં જ્ઞાન અને સંસ્કાર પ્રત્યે જવાબદારીની ભાવના વિકસાવીને તેમને પરિપક્વ નાગરિક તરીકેનું ઘડતર અને તેમનું ભવિષ્ય તેજસ્વી બનાવવું.

• શિક્ષક એ સમાજનો સૌપ્રથમ માર્ગદર્શક છે. જ્ઞાન આપવાની સાથે સંસ્કાર અને માનવીય મૂલ્યોના સંચારની જવાબદારી પણ શિક્ષકની છે. નોલેજ વેલી ફાઉન્ડેશન અને પ્રેરણા એજ્યુકેશન ટ્રસ્ટનો મક્કમ વિશ્વાસ છે કે શિક્ષકોમાં જ્ઞાન સાથે સંસ્કાર પ્રત્યે જવાબદારીની ભાવના વિકસાવવી અત્યંત જરૂરી છે. આવા શિક્ષકો જ બાળકોમાં સકારાત્મક વિચારોનું બીજ રોપી શકે છે અને નવા ભારતના ઘડવૈયા બની શકે છે. આ દ્રષ્ટિકોણને કેન્દ્રમાં રાખી અમે શિક્ષકોને તાલીમ, પ્રોત્સાહન અને માન્યતા આપવા માટે વિવિધ પ્રવૃત્તિઓનું આયોજન કરીએ છીએ. તેમનું સર્વાંગી વિકાસ થાય, તેઓ સતત શીખતા રહે અને શિક્ષણ ક્ષેત્રે નવી ઊંચાઈઓ સર કરે એજ અમારો પ્રયાસ છે. શિક્ષણ ક્ષેત્રે નવી ઊંચાઈઓ સર કરે એજ અમારો પ્રયાસ છે. શિક્ષક ઘડાશે તોજ સમાજનું ઘડતર થશે.